(SEGNALAZIONE) Despar in piazza Unità, tanto rumore per nulla
Stavolta visto l’argomento devo scriver in lingua madre. Per passion preferisso l’italian, che no me vien gnanca mal, e no tocar el dialeto, anche perché ricordo quanto ben ghe vigniva a scritori come Carpinteri e Faraguna, quindi me sento quasi un usurpator blasfemo, comunque…devo! Fin prima de Nadal pareva che co l’apertura de sto alimentari, se gavessi tuti noi dovù perder la dignità, el pudor. Pareva che gavessimo dovù tuti quanti vergognarse dela nostra piaza, quasi scusarse coi turisti che saria rivai. Da come tanti, tropi scriveva, pareva una sorta di “strazeria” che ne gavessi riportà per indecenza, mancanza de decoro, e sporcizia ai tempi andai de Ponterosso. Ani 70 per capirse. Tuti maghi che se trasportava nel futuro e vedeva carei abandonai, cartaze e borse de nylon dentro in fontana, scovaze de tuti i tipi. E, ocio, pezo che mai insegne che gnaca las Vegas ga. Insoma, el top del indecenza.
Iera in pochi che difendeva l’idea. Iera in pochi a dir “varè che a Venezia che el xe za, xe tuto ben”. E quei pochi che lo diseva ciapava de mona. Su quei che iera a favor, go ben poco de scrivere….i iera in pochi, e poco i podeve dir.
Stamatina son passà. Curioso son passà. Rivo in piaza e me comincio guardar in giro. No lo vedo. Ma ostia nol xe, me digo solo. Po me acorzo de lui. Discreto, timido, elegante el xe la, sul canton. Tendine parasol grige che gnaca lore se vedi. Tuto in armonia co la casa. Vado dentro. Timido anche mi a quel punto, vado dentro. Elegante, ben ordinato, comessi cocoli (cocolon el mulon che prima iera in quel del Canal), prodotti essenziali ottimi pei turisti. Robe atente, ricercate, sobrie, utili a far bela figura, e poderghe esser oferte ai turisti che riverà
Cari concitadini ben conossui per #nosepolmaieaprescindere, vedè da andar in tanta mona, che se fossi per voi Trieste saria no un, ma tre passi indrio! Fossimo indrio col mondo, con tuti, fossimo quei dei negozi serai perché no se pol, dele strade che no se va perché no se pol, dei locai serai perché no se pol ….cari concitadini del #nosepol! Per fortuna che quei del #sepolechecazzosichesepol esisti e ne porta avanti, perché se fossi per voialtri…ciao noi!
Prima de Nadal una baba se lamentava qua su FB che fora dela pista de iazo iera una pozanghera de acua, e el suo pensier xe “e se iaza chi suga?”. Bon, adesso pensè a sta baba, e vedè tuti che coi no se pol, se finissi a cul pertera.
Eco, a finir adesso me complimento co la DESPAR: gran bel negozio, utile sicuramente, ben fato, e indubbio sai elegante!
ahhhh quasi dimenticavo: cari muloni del #nosepolcomunqueesempre, vista la figuaraza che gavè apena fato, secondo mi, se gavè un minimo de dignità, zerchè in tele braghe due balete se le xe, e ritratè le monade che gavè scrito, e che per fortuna no xe stade scoltade! Tuto questo sempre e solo a parer mio!
PIERPAOLO BAGATO
Articoli correlati
UncategorizedEcco perché bisogna essere amici prima di essere fidanzati
La scrittrice di rubriche e consulente di coppia April Masini elenca sette motivi per cui è positivo essere amici di qualcuno prima di iniziare una storia d'amore: 1- Vi conoscete già molto bene . Vi siete già conosciuti in modo speciale, p
Picasso venduto per 103 milioni di dollari
"Donna seduta vicino a una finestra", è questo il dipinto di Picasso del 1932 venduto in un'asta di Christie's, a New York, per 103,4 milioni di dollari. Si partiva da 90 milioni e la guerra tra collezionisti è durata quasi 20 minuti. Il pr
Ritornano le scarpe Lidl!
Maratone per accaparrarsi le richiestissime scarpe Lidl, da oggi, 10 maggio, tornate sul mercato a 12,99 euro da Nord a Sud Italia . L'articolo a novembre era esaurito già in pochi giorni e rivenduto online ad un prezzo ultrammagiorato. Sol
Sempre più single over 40, le famiglie unipersonali di oggi
Sono nove milioni oggi i single in Italia, e secondo l'Istat, negli ultimi vent'anni le famiglie composte da un solo membro sono aumentate dal 21,5% al 33%, fino a diventare un terzo del totale delle famiglie italiane. E quasi il 70% delle