Polemica social per la canzone "Trst Je Nas", Maxino mette tutti a tacere alla sua maniera

Pubblichiamo interamente il post di Maxino

Amici! Urge spiegazione. Per motivi che ignoro, ga inizià a girar una canzon che fa parte de “Troppo Triestini”, spettacolo scritto da Paolo Pascutto. Una canzon in particolare ga scaturido delle reazioni, de cui la maggior parte xe “me**a”, “te copo”, “vergognite” etc. Ma alcune xe anche “xe tanta verità nelle tue parole”. Beh, volevo dar una notizia terribile sia ai sostenitori che agli haters. La canzon non xe in prima persona. Se tratta de una su 6 che fa parte de sto spettacolo. Per riassumer in breve... Mi son l’autista del bus, go de scriver una canzon sui triestini. Su sto bus monta 6 personaggi, ognun con la sua storia. El primo, el filo-austrungarico parla de quanto ben se stava con l’austria, e mi alla fine canto i suoi pensieri con la canzon “TORNI DEFONTA”, in prima persona. Poi sali el fan del “ventennio” che parla mal dei sloveni, parla de quanto ben se stava “co iera lui” e mi interpreto i suoi pensieri con la canzon “PERO’ CO IERA LUI”. El terzo xe un professor sloven che parla della storia de trieste dal suo punto de vista e perchè secondo lui “TRST JE NAS”, che xe el titolo della terza canzon, in cui mi interpreto i suoi pensieri. Poi sali el fan del TLT, e mi in sto caso interpreto i suoi pensieri con la canzon “GAVEMO LE CARTE” ironizzando con l’incrocio della famosa barzelletta “dotor son venù per le-carte”. Poi sali l’esule istrian che parla de quanto ga sofferto, de quanto sia sta difficile esser una pedina in man della politica. El suo ruolo un po’ ingenuo, de un che vivi argomenti più grandi de lui vien tradotto poi nella canzon “ISTRIA DEL MIO CUOR”. Pascutto per la nuova edizion ga aggiunto anche el Jeansinaro pugliese (che go tradotto in una canzon che no xe su internet che se ciama “CIOLLI CIOLLI). Xe tutti punti de vista derivadi da una meticolosa ricerca storica de Paolo Pascutto, a cui ghe gavemo aggiunto spunti ironici e personaggi talmente surreali da rivar ad ammorbidir questioni potenzialmente molto pesanti. Delle 2-3000 persone che lo ga visto no se la ga ciapada nissun così tanto, forsi che forsi che forsi i argomenti no xe stadi trattadi poi così mal nonostante fossi delicati. Mi son nipote de un esule istrian, quindi sentirme accusar a causa de “TRST JE NAS” de esser titin la vedo incompatibile proprio. No so una sola parola de sloven, e me dispiasi non saverla perchè me saria tanto utile. Poi, volevo darghe una notizia a tutti i critici d’arte che se sta sprecando in insulti: xe capità nella storia dell’uomo che un cantante canti una canzon in prima persona parlando a nome de un altro. O pensè che De Gregori nella DONNA CANNONE voleva suicidarse sparandose da un cannon in circo? O che Guccini che canta CIRANO pensava de aver veramente un naso lunghissimo? O che Ligabue nella canzon “quando mi vieni a prendere” pensava de esser un bambino che vivi un assalto alla propia scuola? Volè altri 100.000 esempi? I attori che fa i nazisti in “la vita è bella” xe nazisti? Mel Brooks ga scritto “Springtime for hitler”, xe nazista? Ebreo nazista? Molto probabile, si si. Sicuro. Come sempre, nella mia natura, qualsiasi mia “opera” o “merda” come se pol ciamarla (me cambia poco) non ga mai avù e non gaverà mai l’intento de ferir, quindi se qualcun se senti ferido, mi ovviamente me dispiasi. Se un se senti ferido nonostante la spiegazion me ne scuso tantissimo, col cuor. Se un se senti ferido e insulta senza saver niente allora no xe question de scusarse, xe question che manca dei passaggi logici nella comunicazione e nella costruzion de opinioni senza sufficienti elementi. De questa canzon doman no se ricorderà nissun, ma ve prego, ve prego con tutto el cuor, cerchè la verità, cerchè el quadro generale, se ve concentrè sul brufolo in schena per rifuitar la mula che ve la buta, no ve accorzerè che davanti magari xe Belen Rodriguez. Basta brufoli, pensemo in grande. Ve voio ben.