(SEGNALAZIONE) «Trieste tra inciviltà e maleducazione, triestini irrispettosi allo sbando»

Riceviamo ed inoltriamo la segnalazione di un un ascoltatore

Te son de Trieste se ... se te la ami, te la rispeti, con responsabilità. Xè da qualche giorno che sento esternalizar un mio sentir. Qua purtropo speso le persone no rispeta i altri e le robe comuni. Gavendo visto Lubiana recentemente son rimasta, anzi, tuti i triestini in gita xè rimasti ... piacevolmente sorpresi della masima pulizia a tera, sui muri, sui palazi, no una scovaza, una plastica, una carta o una cica o caca/pipì per tera o sui muri(nemeno trace!!!), piloni, palazi ... No solo sul viale centrale ma dapertuto! Perché de noi, come gà dito una signora Triestina de una certa età, xè un cesso aperto??? E i comercianti, tuti, soridenti, gentili ... Perché??? Mi amo moltisimo la mia cità ed amo ancor più cercar de rispetar i altri e le robe dei altri. Perché qua de noi xè un casin dapertuto??? Per ogni roba??? Perché anche una persona che speta sul marciapie, no vien lasada attaversar da chi guida??? Perché co se camina per el marciapie, no se se meti in modo de rivar pasar co se se incrocia? O se se senti qualcun de drio, no se se meti de parte per lasarlo pasar o se xè in 2 a fianco e qualcun devi pasar, no se lo lasa pasar??? Perché ghe devi eser queste “sfide” stupide??? Ala base de tuto, me sa, che gli italiani ..., sia molto maleducati e irispetosi. E ripeto, con mancanza de responsabilità per i propri gesti. E co i esteri vien de noi, i sa, perché i ne vedi che se pol far (no li giustifico però), i fa de tuto. Se chi dovesi poi far rispetar le regole, se gira anche lui de l’altra parte ..., qua me sa che semo alo sbando. Le persone devi saver che se sporca, rompi, no rispeta le regole, devi pagar. Ancora una roba: un calabrese trasferì in Friul, ultra sesantene conosù ani fa, me gà chiesto se Trieste xè pulita come iera col gaveva 18 ani perché el iera qua per militar ... Cosa ghe dovevo risponder?